متوسطة غير كل المتوسطات

    شاطر

    JiHà ne
    عضو دهبي
    عضو دهبي

    عدد المساهمات : 9181
    تاريخ التسجيل : 23/12/2009
    العمر : 21
    الموقع : Oràn

    حصـري متوسطة غير كل المتوسطات

    مُساهمة من طرف JiHà ne في الإثنين أكتوبر 04, 2010 11:28 am

    حبيت نحكيلكم على المتوسطة للي ندرس فيها...ماكانش كيفها في العالم كامل ووين تفوت مدرسة المشاغبين
    يتفتح الباب على 7:50 بصح التلاميذ مايدخلوش غير على الساعة 8:10وبالعريض ساعات يخرج المدير حتى البرا باش يحوس عليهم ويدخلهم ولا طابليا لا والو تحب حتى ماتجيبش المحفظة نورمال شواكر
    من بعد يكون النشيد الوطني للي يخلص على الساعة 8:25 والاساتذة ماوراهم والو نورمال مازال الحال كي توللي 8:30 مانجيوا نعدلوا روحنا توللي 8:40 يعني الحصة الاولى ماعندناش
    ويوميا تلقى زوج وللا ثلاث تلاميذ جدد يدخلوا عليك على صباح ربي(علابالي راك تقول هادي اكيد متوسطة مليحة عليها يجيوا ليها) مي راك غالط التلاميذ هادوا للي يشرفونا يوميا بحضورهم كلهم اصحاب سوابق يعني مطرودون ولا اي مؤسسة تقبل انهم يقراوا فيها بصح المتوسطة تاعنا حنينة ماتخليهمش برا وعلى هذا هي ملقبة ب ''الاحضان الدافئة'' وهي ملجأ لمن هب ودب (مرة جاء واحد قالتلوا الشيخة علاه طردوك قاللها كسرت حيط كيفاش الله اعلم)
    المهم نهدروا الاساتذة : سبحان الله وكانهم اساتذة مختارين ولا واحد فيهم عادي
    الاستاذة الاولىتاع العلوم الطبيعية للي تعتبر احسن استاذة في المتوسطة كامل وهي تدرس مليح لكن اذا درست على خاطر من الثانية للي تدخل فيها للقسم حتى تخرج وهي تتكلم ماتسكتش ودايما تشكي من المدير وانت ماعليك غير تحط راسك على الطاولة وترقد ..وهي ملقبة ب الكوكايين لانها مخدر خطير والسياقة ممنوعة بعد الحصة تاعها
    الاستاذ الثاني تاع الرياضيات تقول يجريوا وراه دايما مللي يدخل وانت تكتب حتى يخرج قادر يخلصلك كراس 288صفحة في حصة وحدة وكي يعطينا تمرين نحلوه زعما ينادي بالقائمة باش يقيمنا انت تتخلع كي يخيرك بصح كي تطلع للسبورة تلقاه قاعد يملي عليك الحل يعني ماعليك غير تكتب وكي تقولوا مافهمتش يقرالك واش مكتوب شغل انت ماتعرفش تقرأ ...ونصيحة لوجه الله ماتقعدش في الطاولة الاولى في الحصة تاعو والا جيب مطرية معاك لانو رايح يملاك ببصاقو وعليها يلقبوه ب ''سكويرو''(اكيد راكم تتفكروا الكوميك تاع بوكيمون)
    الاستاذة الاخيرة للي نهدر عليها تاع العربية هادي قالتلهم اسكتوا..انا مانقدرش نقول تعرف تدرس وللا لا لانو مادرستناش اصلا ..الحصة تاعها تقدر تقول ساعىة فراغ اكثر وحدة تغيضني مسكينة عام كامل وهي تبكي من الفوضة ..اتصوروا دايما لما تدخل للقسم تلقى واحد راقد وواحد يدخن والاغاني جامي تفوت حصة تاع عربية بلا بيهم (من درجة انها دايما تقوللهم حبسوا الاغاني ومايحبوش وللات تقوللهم نقصوا شوية برك في الصوت باش يسمعوني زملاءكم)
    المشكل انو رغم كل هذا وواش يديروا فيها ويتمسخروا بيها تحطلهم 18 و19 في التقويم امالا هي للي تستاهل
    والمتسبب الكبير في هذا كامل هو السي المدير للي ولا واحد في المتوسطة يحملوا(الحاجة الوحيدة للي يتفقوا فيها الاساتذة والتلاميذ الكره تاعو) هو العام هذا راح وجابولنا واحد جديد ادعيولنا برك يسقموا شوية على خاطر كرهنا من الفوضى.. واسفة اني طولت مي حبيت نفرغ واش في قلبي

    Heithem Copiier Coller
    عضو دهبي
    عضو دهبي

    عدد المساهمات : 2427
    تاريخ التسجيل : 26/01/2010
    العمر : 21

    حصـري رد: متوسطة غير كل المتوسطات

    مُساهمة من طرف Heithem Copiier Coller في الإثنين أكتوبر 04, 2010 1:15 pm

    Cool
    حنا كثر
    تاعكم فيها الرحمة على تاعنا

    Romaissa31
    عضو دهبي
    عضو دهبي

    عدد المساهمات : 1356
    تاريخ التسجيل : 28/01/2010
    العمر : 21
    الموقع : http://www.youtube.com/watch?v=zQZO6SbX9NA

    حصـري رد: متوسطة غير كل المتوسطات

    مُساهمة من طرف Romaissa31 في الإثنين أكتوبر 04, 2010 1:17 pm

    ههههههههههههههههههههههه

    ma vie c est moi
    عضو دهبي
    عضو دهبي

    عدد المساهمات : 13126
    تاريخ التسجيل : 22/03/2010

    حصـري رد: متوسطة غير كل المتوسطات

    مُساهمة من طرف ma vie c est moi في الإثنين أكتوبر 04, 2010 2:16 pm

    اهههههههههههههههه
    اهههههههههههههههههههههههههههه
    زفطة

    JiHà ne
    عضو دهبي
    عضو دهبي

    عدد المساهمات : 9181
    تاريخ التسجيل : 23/12/2009
    العمر : 21
    الموقع : Oràn

    حصـري رد: متوسطة غير كل المتوسطات

    مُساهمة من طرف JiHà ne في الثلاثاء أكتوبر 05, 2010 6:06 am

    نورتو الصفحة
    اسعدني مروركم

    بنت الجزائر بنت الأحرار
    عضو دهبي
    عضو دهبي

    عدد المساهمات : 174
    تاريخ التسجيل : 13/08/2010
    العمر : 22
    الموقع : القبائل الكبرى

    حصـري رد: متوسطة غير كل المتوسطات

    مُساهمة من طرف بنت الجزائر بنت الأحرار في الثلاثاء أكتوبر 05, 2010 6:14 am

    راكم في حبس ولا مدرسة

    JiHà ne
    عضو دهبي
    عضو دهبي

    عدد المساهمات : 9181
    تاريخ التسجيل : 23/12/2009
    العمر : 21
    الموقع : Oràn

    حصـري رد: متوسطة غير كل المتوسطات

    مُساهمة من طرف JiHà ne في الثلاثاء أكتوبر 05, 2010 6:18 am

    hhhhhhhh no farida

    Lina_dz
    عضو دهبي
    عضو دهبي

    عدد المساهمات : 3546
    تاريخ التسجيل : 03/09/2009
    العمر : 25

    حصـري رد: متوسطة غير كل المتوسطات

    مُساهمة من طرف Lina_dz في السبت أكتوبر 16, 2010 12:00 pm

    ههههههههههههههههه كعبة فالسوق هههه




    tjr solo
    عضو دهبي
    عضو دهبي

    عدد المساهمات : 3642
    تاريخ التسجيل : 27/03/2010

    حصـري رد: متوسطة غير كل المتوسطات

    مُساهمة من طرف tjr solo في السبت أكتوبر 16, 2010 12:33 pm

    ههههههههههههههههههههههههههههههههه

    zaho27
    عضو دهبي
    عضو دهبي

    عدد المساهمات : 3287
    تاريخ التسجيل : 28/11/2009
    العمر : 23
    الموقع : algérie

    حصـري رد: متوسطة غير كل المتوسطات

    مُساهمة من طرف zaho27 في السبت أكتوبر 16, 2010 12:56 pm

    hhhhhhhhhhhh bezef 3ikom rakom tkhalssou
    hna hmd kolchi machi bekhayr

      الوقت/التاريخ الآن هو الجمعة ديسمبر 09, 2016 2:10 pm