من طرف ma vie c est moi الثلاثاء أكتوبر 11, 2011 4:22 pmهذا حالها
ساعة ساعة تتغير
مرة عالحرير غادية
كيف النسمة هادية
وساعة تجذب وتتحير
مرة تمشي عالخط
فأرض الخير تحط
مرة تخبلها خبلة
وتخليك تعيط
يا من يفك... هاد الوحلة
هادا حالها
مرة تفيض وتناديك
بْرْدْ يا عطشان
مرة بلا سبة
تنسى عاهد لمحبة
تنفر وتعاديك
مرة تكون كريمة
تجود وتعطيك
تفرش وتغطيك
ومرة تبخل
ترمي ليك فتات
ما يحيي ما يقتل
هادا حالها
يا للي سقصيتي مالها
إلى مرة حنات
وديك العطفة حضرات
لا ثيق لا تغفل
راها تبدل لوقات
ساعة تداوي لجراح
وتنسيك للي راح
وساعة على جرحك تعسف
تخللي دمك ينزف
ما يهمهاش الدم للي ساح
مجنونة راها مجنونة
كل يوم فحال
مرة تبان ليك غزال
ومرات تلوحك
كيف العَوْد الركال
لا تغرك بكحل لعيون
تعود بنظرتها مفتون
هي تغمز
ونت تقفز
من بين رموشها
زعما تخرج.؟. محال
سولتيني مالها
هاد الدنيا هكدا
بين ليوم وغدا
حال وحوال
يا لعايم فبحورها
من موجها رد البال
ساعة ساعة تتغير
مرة عالحرير غادية
كيف النسمة هادية
وساعة تجذب وتتحير
مرة تمشي عالخط
فأرض الخير تحط
مرة تخبلها خبلة
وتخليك تعيط
يا من يفك... هاد الوحلة
هادا حالها
مرة تفيض وتناديك
بْرْدْ يا عطشان
مرة بلا سبة
تنسى عاهد لمحبة
تنفر وتعاديك
مرة تكون كريمة
تجود وتعطيك
تفرش وتغطيك
ومرة تبخل
ترمي ليك فتات
ما يحيي ما يقتل
هادا حالها
يا للي سقصيتي مالها
إلى مرة حنات
وديك العطفة حضرات
لا ثيق لا تغفل
راها تبدل لوقات
ساعة تداوي لجراح
وتنسيك للي راح
وساعة على جرحك تعسف
تخللي دمك ينزف
ما يهمهاش الدم للي ساح
مجنونة راها مجنونة
كل يوم فحال
مرة تبان ليك غزال
ومرات تلوحك
كيف العَوْد الركال
لا تغرك بكحل لعيون
تعود بنظرتها مفتون
هي تغمز
ونت تقفز
من بين رموشها
زعما تخرج.؟. محال
سولتيني مالها
هاد الدنيا هكدا
بين ليوم وغدا
حال وحوال
يا لعايم فبحورها
من موجها رد البال
