الحرف الرزين والثابتْ عمرُو ما يعبّر
يجمع الحروف وعلى راسو يدَبّرْ
والحرف البُوهالي إطلّعْ الشان وِ كبّرْ
يمسح دموع العاشق وْ لعليل إصبّرْ
الحرف الرزين جلستُو تقنّطْ
الفراجة فيه تمرض و تحنّطْ
والبُوهالي ليه تتسللْ وتتْسنّطْ
خليك يا حرفِي بوهالي وعطِيها للجذبة
خوّضْ المِّيهْةْ كتابي الصافية وْ العذبة
ما بغيتكْ ياحرفي تكونْ ثابت ولا رزين
مشيّكْ بْ النفاق..الكذوب وتقطر بالزين
بغيتك تخرج و فين ما ولاكْ ترتاح وْ اتباتْ
تزعزع إلهامي وتخلِّيه يْعبّرْ بْ السكات
اخرج واخّا مقطّعْ...عريان و حافي
طلعْ لي مناخرِي و هز لي كتافي
اجذب..اشتفْ..برّدْ..وْ اشعلْ الْعوافِي
طرز النقط عل الحروفْ وسرح القوافي
ما يهمّكْ يا البوهالي آش يقولوا ضيافي
شكراااااااااا
يجمع الحروف وعلى راسو يدَبّرْ
والحرف البُوهالي إطلّعْ الشان وِ كبّرْ
يمسح دموع العاشق وْ لعليل إصبّرْ
الحرف الرزين جلستُو تقنّطْ
الفراجة فيه تمرض و تحنّطْ
والبُوهالي ليه تتسللْ وتتْسنّطْ
خليك يا حرفِي بوهالي وعطِيها للجذبة
خوّضْ المِّيهْةْ كتابي الصافية وْ العذبة
ما بغيتكْ ياحرفي تكونْ ثابت ولا رزين
مشيّكْ بْ النفاق..الكذوب وتقطر بالزين
بغيتك تخرج و فين ما ولاكْ ترتاح وْ اتباتْ
تزعزع إلهامي وتخلِّيه يْعبّرْ بْ السكات
اخرج واخّا مقطّعْ...عريان و حافي
طلعْ لي مناخرِي و هز لي كتافي
اجذب..اشتفْ..برّدْ..وْ اشعلْ الْعوافِي
طرز النقط عل الحروفْ وسرح القوافي
ما يهمّكْ يا البوهالي آش يقولوا ضيافي
شكراااااااااا