من طرف tjr solo الأربعاء يوليو 21, 2010 3:05 amاولا يوميات بعض الاعضاء تبدأ اول حاجة بدواسة مع خاوتو فالدار على شكون راح يحكم الميكرو ويكونكتي
وفي الأخير واحد أو وحدة هي اللي تغلب وتحكم الميكرو وتكونكتي وتدخل
طبعا كاينين اللي يكونو وحيدين ولا وحيدات فالدار
هاذو يكونو مدلعين رواحهم ولما يحبوا يدخلوا يرسلو اس أم أس لصحابهم أو صحاباتهم باش يدخلو
اللي يكون يخدم يكون ثاني بالو مشغول !!!
الحديث على المنتدى يكون في كل مكان
خاصة بين البنات لما يتلاقاو ..وفي اي مكان
وحتى الاشاعات تنتشر بسرعة
كاين اللي أهتماماتو فقط فالكرة
و كاين اللي شغلو الشاغر هو شتم مصر
لدرجة أصبح يشتم فيهم حتى وهو نايم !!!!
و كاينة اللي مسكينة مغرومة باللاعب العملاق
ودائما تخمم فيه :001_wub:
المدير مسكين... تعب
كاين من الأعضاء اللي منظم وقتو
وماضيعش قرايتو
ولما يقرب الأمتحانات تاع الباك والبيام يبدى الدعاء
يجوزوا الأمتحانات ويجي نهار أعلان النتائج
كاينين اللي يجيبولهم الخبر حتى لعندهم
وكاين اللي يجيبوا الباك ويفرحوا ويزهاو
ماشاء الله..فرحو والديهم وطولوا رقبتهم بين الناس
وكاينة اللي كي تعرف نتيجتها للأسف ..تهبل
وكاين اللي .....
وكاينة اللي عرفت نتيجتها ... وتخبات من باباها
ولكن فالأخير حكمها لما رجعت للدار
مع تحياتي...
