من طرف JiHà ne الأحد ديسمبر 19, 2010 7:15 amايقولو لي ايقولو عليك مولودية نبقى مولودية
[مانبدلك ما نسمح فيك انتي روحي وانتي عينيا
ملي حليت عيني فيك نسيتيني في ماليا
[b]غاليا وشي ما غالي عليك نفديك بالسومة الي هي
من بلاد لبلاد نتبع فيك واعرفت الرجال بك انتيا
ايقولو لي يقولو عليك مولودية نبقى مولودية.
رفدوك رجال واتهاتفو بيك مدحوك في شحال من اغنية
في الحومة الهدرة غير عليك وحاضرة في كل جمعية
عزيزة انتي عند ماليك ربطوك بسيد الانبياء
في الجزائر والغربة ايسقسو غليك في الربحة مصاغر حيا
ايقولو لي ايقولو عليك مولودية نبقى مولودية
وين تكوني نشقى وانجيك يا لوكان في طرف الدنيا
خضر واحمر شحال ايواتيك كي نشوفك يحمر عينيا
طحتي ونضتي ولي جاز عليك و عاودتي وليتي قويا
و مانحمل الي ايقطع فيك والي ايقيسك ايقيسني انايا
ايقولو لي ايقولو عليك مولودية نبقى مولودية
الله يرحم الي خدمو عليك شهداء ماتو على الرايا
عوف ودغيش حلمو بيك وخلاوك لجازولي وصيا
كل الاجيال تتهلى فيك كي الوالدين في الذرية
وتبقاي واقفة على رجليك مادمت لعمار حية
وكلمتي الاخيرة نموت عليك يالعزيزية المولودية الجزائرية
ايقولو لي ايقولو عليك مولودية نبقى مولودية
كتبه احد قادة مولودية الجزائر
