من طرف ma vie c est moi الإثنين أكتوبر 10, 2011 2:42 pmلساني يا ذاك اللسان
يا مراية دواخلي
جامع حروفك و الكلام
يا مطمورة افعالي
نحرث بك كلام و حروف
و نحصد بك المعاني
ينطق ب الفرح و الخوف
ما تهنى ما هناني
لساني و لسانك لوحة
مدادها القلب و الشّوف
سالكة بنا و لا مفضوحة
المعاني مدزوزة من الصوف
بها النفس تدف
و لا تموت ف برد الليالي
كارحة و لا تالفة
و لا ملحفة ب كلام بالي
جريت الحرف مع الحريفات
و تحرك لساني و تكلم
تعانقت الكلمة مع الكليمات
ف صنعة لكلام مازال نتعلم
و اللسان به تسلك
و لا به تموت و تهلك
و انا اليوم درت للساني جبيرة
و خيطت ب السكات فمي
كلامي اليوم خبزة فطيرة
و سر الحكاية من همي
قلت كلام و ندمت عليه
خرج ب الغراز من لساني
حروفه جمر نتكوى به
ظلامت الشوفة ف زماني
و الزمان اليوم زمان كارح
من حفرة ل حفرة
الهم و الفقر فينا سارح
و ذيك الضبرة ما تبرى
زمان عدي و سلك
و دوز هذه و ذيك
غمض العين و ميك
قبل ما الزمان يبليك
و لساني اليوم مكفن
و داخل سوق راسه
السكات راكبه معفن
نقطعه من ساسه
لحتيني يا لساني ف الرحى
خليتي ايامي مطحونة
فرقتني الضحكة و الفرحة
ولات ايامي مغبونة
قلت ندير ل ساني لجام
و نغطي فمي ب كمامة
نسكت و ما نزيد كلام
غرقت ف واد الندامة
خليني يا لساني بعيد ع الهم
سوق الكلام راه خاوي
من حروفك شربت السم
قالوا غير احمق و راه داوي
بك يا لساني دخلت سوق راسي
و بك هجروني لحباب
مشات الضحكة و طار نعاسي
وليت جيفة للذياب
صحاب الوقت قالوا لساني طويل
فصلوه و قطعوه ب العبار
ينظم الكلام غير هبيل
حاقد ف قلبه مشرار
طولة اللسان تنقص العمر
و تخلي الفم محلول للجريحة
ما يتكلم ما يدوي ما يهضر
و الا نطق ما يلقى غ الفضيحة
و انا اليوم الحبس في عقد شماره
مسدود علي باب و باب
الحديد ف قلبي زاندة جماره
بين حرقة السؤال و التعذاب
آجي نعاود لك يا لساني
القصة كيف جرات
سر الحبس و محاني
قصة عذابي كيف بدات
يا مراية دواخلي
جامع حروفك و الكلام
يا مطمورة افعالي
نحرث بك كلام و حروف
و نحصد بك المعاني
ينطق ب الفرح و الخوف
ما تهنى ما هناني
لساني و لسانك لوحة
مدادها القلب و الشّوف
سالكة بنا و لا مفضوحة
المعاني مدزوزة من الصوف
بها النفس تدف
و لا تموت ف برد الليالي
كارحة و لا تالفة
و لا ملحفة ب كلام بالي
جريت الحرف مع الحريفات
و تحرك لساني و تكلم
تعانقت الكلمة مع الكليمات
ف صنعة لكلام مازال نتعلم
و اللسان به تسلك
و لا به تموت و تهلك
و انا اليوم درت للساني جبيرة
و خيطت ب السكات فمي
كلامي اليوم خبزة فطيرة
و سر الحكاية من همي
قلت كلام و ندمت عليه
خرج ب الغراز من لساني
حروفه جمر نتكوى به
ظلامت الشوفة ف زماني
و الزمان اليوم زمان كارح
من حفرة ل حفرة
الهم و الفقر فينا سارح
و ذيك الضبرة ما تبرى
زمان عدي و سلك
و دوز هذه و ذيك
غمض العين و ميك
قبل ما الزمان يبليك
و لساني اليوم مكفن
و داخل سوق راسه
السكات راكبه معفن
نقطعه من ساسه
لحتيني يا لساني ف الرحى
خليتي ايامي مطحونة
فرقتني الضحكة و الفرحة
ولات ايامي مغبونة
قلت ندير ل ساني لجام
و نغطي فمي ب كمامة
نسكت و ما نزيد كلام
غرقت ف واد الندامة
خليني يا لساني بعيد ع الهم
سوق الكلام راه خاوي
من حروفك شربت السم
قالوا غير احمق و راه داوي
بك يا لساني دخلت سوق راسي
و بك هجروني لحباب
مشات الضحكة و طار نعاسي
وليت جيفة للذياب
صحاب الوقت قالوا لساني طويل
فصلوه و قطعوه ب العبار
ينظم الكلام غير هبيل
حاقد ف قلبه مشرار
طولة اللسان تنقص العمر
و تخلي الفم محلول للجريحة
ما يتكلم ما يدوي ما يهضر
و الا نطق ما يلقى غ الفضيحة
و انا اليوم الحبس في عقد شماره
مسدود علي باب و باب
الحديد ف قلبي زاندة جماره
بين حرقة السؤال و التعذاب
آجي نعاود لك يا لساني
القصة كيف جرات
سر الحبس و محاني
قصة عذابي كيف بدات
