من طرف ma vie c est moi الجمعة مايو 21, 2010 11:40 amالسلام عليكم
الصوف تنباع بالرزانة
وخوك خوك ولا يغرك صاحبك
وحمامة بنات عشها فوق غصن راشي
كي يغيب السبع
الديب يدير حفلة
حتى القرد الغشاش ايولي يحكم باحكامو
قالهم جيبوا لي السبع يرقص لي
غار منه الفكرون لعوج الرجلين
وقعدنا نسمعوا لكلاموا
والفم المبلاع ما تذخلوا ذبابة
والصمت حكمة منه تتفرق الحكايم
وعلى فمك
جاء الحنش هايم
كيد النساء كيدين
ومن كيدهم
جيت هارب
راكبة فوق السبع
ومتحزمة بالافاعي
وخلخالها العقارب
و كي شافت الغراب
قالت يا بابا
خوفني
الماء البارد ما يسخن
والى سخن
يولي الاصله
المطر راه ينزل
عقرب جا فايت
ضفضعة عند الواد
هربت و ذخلت في الماء
قرب العقرب وقال لها
علاش اهربتي مني
قالت له انا هربت من المطر
وقال لها
علاش ادخلتي في الماء
قالت له
باش ما نتشمخش
اضحك العقرب
اهههههههههههههههههه
وقال لها
يا خي غبية
بصح لو كان اديري فيا مزية ركبني فوق ظهرك وقطعني الواد
ياك تعرفيني ما نعرفش انعوم
قالت له
في وسط الواد تقرصني
قال لها
لوكان نقرصك نموتو في زوج
امنت الضفضعة وركبت العقرب فوق ظهرها
وفي وسط الواد
حست بالحرارة وبدات تبكي
وقالت له
زعما قرصتني
قال لها العقرب
الله غالب
انا خلقني ربي باش نقرص
وهذا طبعي
ونموتو في زوج
نوصيك يا الغافل
بلاك اتجيبو
ولا تقربو عند باب الدار
شفوني كحل مغلف
قالوا ما فيا الدخيرة
وانا كي الكتاب المغلف
فيا منافع الكثيرة
شكرا سلفا
