قاضي لغرام هو لي يحكم بيناتنا

قاضي لغرام هو لي بيناتنا يحكم...كيما بكيت لازم يبكيك

خيري القاضي لي تشوفيه يوالمك...ديري مئة محامي يضرب عليك

الحب لي كان بيناتنا راه تحطم...خاب الظن لي ظنيتك

انا مشيتلك بالنية والله عالم...ضحيت غيل بالعمر باش نرضيك

هادا شحال وانا في عشقي نايم...ندمان لي درت النية فيك

غيل درتي في صبعك الخاتم...نسيتي داك العاشق لي يبغيك

انا خلاص كرهت ومليت...مات الطير لي كان كابر بين يديا

ربي بلاني بالهمه تبليت...وانا سباب عمري في هاد الدنيا

ندمان على الحب لي حبيتك...قلبي عدويا دارها بيا

ليوم غاضتني عمري وبكيت...طاحت الدمعة من عينيا

انا والله عمري ماظنيت...بعد المحبة والولف هاك تسمحي فيا

انا بكيت ومرديتش اللوم عليك...خليني نبكي راني نبكي على حالي

بكيت على الظن لي ظنيته فيك...والله عمري ما كنت نظن معاك هاكا يصرالي

كنت حاسبك تبغيني كيما انا نبغيك...كنت دايرك صح تضحي بالعمر على جالي

كنت مآمن حبك وداير النية فيك...وغيل نتي لي كنت دايرك في بالي

تمنيتك بالحلال ماشي باش نخليك...كنت متمنيك على طول الحياة تبقاي قبالي

نهار لي جيت وشفت البسمة في عينيك...داك ليوم عرفت بلي قلبي بوهالي

غيل خبريني كيفاش عطاك قلبك...انا قدامك ميت ونتي فرحانة

انا في القبر ونتي البسمة في عينيك...وهادي عند القاشقين اكبر خيانة