من طرف ma vie c est moi الأربعاء أكتوبر 12, 2011 3:25 pmمن عام نُوضُوا اتْرُكْدُوا
ناض اللي ناض
و فاق اللي فاق
شي دخل سوقو
شي اتْلف ف الأسواق
شي بعد فياقو واللا مشتاق
و بلسانو واللاّ حلاق
الرّاقْ...
المّاق...
من عام سير حتى اتْجِ
غضب اللي غضب
و جذب اللي جذب
طلعت القردة للراس
حتى احفات النقشة
و الفم..هْههْ
من عام اللسان ما فيه عظم
و قولها و اضحك عليها
اتقلبات الدنيا اسْفاها على علاها
تبناوْا شلاّ قصور من الرمال
تهرّس شحال من جدر وطاحو جبال
غير باللسان
اتْحفروا شلاّ حفاري و بيارْ
واللاّ الفياق بالليل والنعاس بالنهار
شحال من هضرة
اتقطعات بالسمن و العسل
بالحلاوة المغشوشة و غير بالمهل
من عام الضحكة الصفرة
و اللي من الفوق
طارت البركة
تعثرات الحركة
الحمامة لبست جلد الذيب
الذيب على حاجتو ارجع حبيب
و اليد ضربت على نمرة الجيب
زيارة الحبيب على غفلة واللات عِيبْ
من عام... مالنا مانخافوش...؟
طلع الدم على والو
طلع الشان للخاوي
ف زحمة الزمان العامر
طلع اللي طلع
و هبط اللي هبط
اتفرقعت الرمانة من شجرة المزاح
الليل سرّح سوالفو على كتف الصباح
واللاّ…هْههْ
ها اللي تخطّى سحور ..ها اللي فيه لَرياحْ
من عام.. اجمعْ و اطْوِ
اتطوات الصفحة
اتقلبت القفة على المَحْني
مات اللي مات ف حياتو
و عاش اللي عاش بعد مماتو
التّرحم اللي خاصو يتّرجم
و التّرجمْ اللي خاصو يترحم
من عام ..حك جر
غنى اللي غنى
مالي يانا.. مالي يانا ما عندي زهر
شطح اللي شطح
عاود دردك
زيد دردك
اللي ليها ليها
من ذاك العام... هْههْ
اللي ابْغ يربح ... العام طويل
ما طالعاش... ما طلعاش
عام ...شوف و اسكت
و اللاّ الحماق بعينيه
و الحيط بوذنيه
ناض اللي ناض
و فاق اللي فاق
شي دخل سوقو
شي اتْلف ف الأسواق
شي بعد فياقو واللا مشتاق
و بلسانو واللاّ حلاق
الرّاقْ...
المّاق...
من عام سير حتى اتْجِ
غضب اللي غضب
و جذب اللي جذب
طلعت القردة للراس
حتى احفات النقشة
و الفم..هْههْ
من عام اللسان ما فيه عظم
و قولها و اضحك عليها
اتقلبات الدنيا اسْفاها على علاها
تبناوْا شلاّ قصور من الرمال
تهرّس شحال من جدر وطاحو جبال
غير باللسان
اتْحفروا شلاّ حفاري و بيارْ
واللاّ الفياق بالليل والنعاس بالنهار
شحال من هضرة
اتقطعات بالسمن و العسل
بالحلاوة المغشوشة و غير بالمهل
من عام الضحكة الصفرة
و اللي من الفوق
طارت البركة
تعثرات الحركة
الحمامة لبست جلد الذيب
الذيب على حاجتو ارجع حبيب
و اليد ضربت على نمرة الجيب
زيارة الحبيب على غفلة واللات عِيبْ
من عام... مالنا مانخافوش...؟
طلع الدم على والو
طلع الشان للخاوي
ف زحمة الزمان العامر
طلع اللي طلع
و هبط اللي هبط
اتفرقعت الرمانة من شجرة المزاح
الليل سرّح سوالفو على كتف الصباح
واللاّ…هْههْ
ها اللي تخطّى سحور ..ها اللي فيه لَرياحْ
من عام.. اجمعْ و اطْوِ
اتطوات الصفحة
اتقلبت القفة على المَحْني
مات اللي مات ف حياتو
و عاش اللي عاش بعد مماتو
التّرحم اللي خاصو يتّرجم
و التّرجمْ اللي خاصو يترحم
من عام ..حك جر
غنى اللي غنى
مالي يانا.. مالي يانا ما عندي زهر
شطح اللي شطح
عاود دردك
زيد دردك
اللي ليها ليها
من ذاك العام... هْههْ
اللي ابْغ يربح ... العام طويل
ما طالعاش... ما طلعاش
عام ...شوف و اسكت
و اللاّ الحماق بعينيه
و الحيط بوذنيه
