من طرف ma vie c est moi الأحد نوفمبر 06, 2011 9:41 amسقسيت حروفك عليك
سقسيت حروفك عليك ... بغيت نعرف شكون يكرهك ... وشكون يبغيك
شي قـال موالفك وشي قـال غير باه يرضيك
حروفك بغاوا الليلة ساعفهم الله يهديك
شي قـال معدبانا ... وشي قـال مشطحانا ... وشي قـال راحتهم فيك
وشي قـال امنا مربيانا ومتهليا فينا ... واكلين شاربين ومساريين
لكن ف سواق الناس داخلين
حاضيين شكون غادي وشكون جاي
مرة مرة تحماق وتجدب وتحير
وشي مرة كتفافا وتدير راسها شوافة
وتـﯖول كلام معجون بالمعنى
فران الحومة كلو عوافي
يطيب الطروح
لمليح بحقو
ونسيم الصباح ما يدري الدرسة
العقبة واقفة ولحدورة زرابة
واللي ضرباتو يدو ما يبكي
الزمان تبرى وجوادنا دواوا
قالوا شا هاد معاني وكلام
الأرض كواغط
ولمحارث اقلام
لقوافي نابته
حاملة نقايم ليام
آشتف هاي تف
لكبير تلف والصغير تلف
والهام ما بقات تعرف
بنادم الغافل من لفطين
مرة تبكي مرة تزغرت
مرة تقفز الكتفين
مرة تحلم تحكم
وتـقول نتما معايا خدامين
وشغلكم برﯖـاﯖـه
او احسن نسميكم بصاصين
الحرف منجل تيحصد تبن وربيع
ويلا جدب وتحير يهيج ...ما بقى فيه ما تردع
والحـر بالغمزة
اليد وحدها ما تصفق
والصمت حكمة ومنو تفرقت لحكايم
كون ما برﯖم ولد لحمامة
ما يجيه لحنش هايم
سال لمجرب لا تسال الطبيب
واللي ضربتو يدو ما يبكي
وحنا علاش هنا علاش
واش ما شفناش او ما حسيناش
ماشفناش اللي عاشر لحروف
حتى والفها فطماتو وما علماتوش
ما شفناش اللي غمزاتو لمواج
عانقها وما رحماتوش
علاش وعلاش وعلاش
بغينا نكتبوا مالقينا باش
بغينا نرسموا ما لقينا فاش
شكراااااااا
سقسيت حروفك عليك ... بغيت نعرف شكون يكرهك ... وشكون يبغيك
شي قـال موالفك وشي قـال غير باه يرضيك
حروفك بغاوا الليلة ساعفهم الله يهديك
شي قـال معدبانا ... وشي قـال مشطحانا ... وشي قـال راحتهم فيك
وشي قـال امنا مربيانا ومتهليا فينا ... واكلين شاربين ومساريين
لكن ف سواق الناس داخلين
حاضيين شكون غادي وشكون جاي
مرة مرة تحماق وتجدب وتحير
وشي مرة كتفافا وتدير راسها شوافة
وتـﯖول كلام معجون بالمعنى
فران الحومة كلو عوافي
يطيب الطروح
لمليح بحقو
ونسيم الصباح ما يدري الدرسة
العقبة واقفة ولحدورة زرابة
واللي ضرباتو يدو ما يبكي
الزمان تبرى وجوادنا دواوا
قالوا شا هاد معاني وكلام
الأرض كواغط
ولمحارث اقلام
لقوافي نابته
حاملة نقايم ليام
آشتف هاي تف
لكبير تلف والصغير تلف
والهام ما بقات تعرف
بنادم الغافل من لفطين
مرة تبكي مرة تزغرت
مرة تقفز الكتفين
مرة تحلم تحكم
وتـقول نتما معايا خدامين
وشغلكم برﯖـاﯖـه
او احسن نسميكم بصاصين
الحرف منجل تيحصد تبن وربيع
ويلا جدب وتحير يهيج ...ما بقى فيه ما تردع
والحـر بالغمزة
اليد وحدها ما تصفق
والصمت حكمة ومنو تفرقت لحكايم
كون ما برﯖم ولد لحمامة
ما يجيه لحنش هايم
سال لمجرب لا تسال الطبيب
واللي ضربتو يدو ما يبكي
وحنا علاش هنا علاش
واش ما شفناش او ما حسيناش
ماشفناش اللي عاشر لحروف
حتى والفها فطماتو وما علماتوش
ما شفناش اللي غمزاتو لمواج
عانقها وما رحماتوش
علاش وعلاش وعلاش
بغينا نكتبوا مالقينا باش
بغينا نرسموا ما لقينا فاش
شكراااااااا
