من طرف ma vie c est moi الأربعاء يناير 04, 2012 1:40 pmطَارْ الطَْوِيَّرْ طَارْ
طَارْ مَنْ قَفْزو طَارْ
خَلاَّنِي هَايَمْ مَحْتارْ
نَحْلَمْ ...
نْعاوَدْ وَحْدي لَخْبارْ
كُلْ ريشَة مَنُّو، نَسْمَة
كُلْ كًلْمَة مَنُّو ، نَغْمَة
وْحْروفو لْوَانْها سَمْرَة
قَـدّْ وْقـامَة نَـبْلَة
سَرّْ مَنْ لَسْرارْ
طَارْ مَنْ قَفْزو طَارْ
تَـاهْ.. ! فَسْمَا لَغْروبْ
عْلَى نْجُومْ النّْهارْ يَبْكِي
عْلَى حْلامْ اللِّيلْ يَشْكِي
خايفْ مَنْ لَهْروبْ
خَايَفْ !
الدَّمْعَة تْوَلِّي حَرْقَة
وْالْكَلْمَة تْوَلِّي حَمْقَة
وْ يْتْلَفْ الْعَرْبونْ
خَايَفْ !
لَغْرامْ يْوَلِّي ضَرْبَة
وْيْطيحْ فْيْدينْ الْغُرْبَة
وْ الْبالْ ديما مَشْطونْ
خَايَفْ !
مَنْ خْيوطْ لَحْشومَة
يْكَبْلوهْ فَـقْفاطَنْ اللُّومَة
تَجْمعْ وْتَطْوي لَسوارْ
يَـا ذاكْ الْمَغْبونْ
يا طيري !
السّْوارْ عْلاَتْ
شِي هْنا شِي الْهيهْ
وْ الْفَجْوَة كَبْرات
الزّْواقْ ماحْشَمْ
جَـا وْتْعَرَّمْ
وْ نيفو سالْ عََلاماتْ
عََلاماتْ ...!
عََلاماتْ ..!
الْمعْدَنْ تْصَدَّى
لاَ ذْهَبْ وَلاَ فّضَّة
لاَ سَرّْ وَ لا مَلْحَة
آشْ يْقولو زَعْمَة
غيرْ الرَّاشْياتْ
غيرْ الْخاوْياتْ
.....
رْجَعْ طيري مْسَلَّتْ
بْجْناحو يَلْهَتْ
وْ قْبَلْ ما يْفوتْ الْوَقْتْ
حْكَى لي قَصَّة الـجَّياتْ
راهي جايَّاتْ
مْوَّاجْ جايَّاتْ
جايَّاتْ بْلَغْواتْ
مَنْ مورْ لَبْحَرْ جايَّاتْ
تَخْلَعْ
تَبْلَعْ
تَطْمَعْ
وْ فْكُلْ شَطّْ رْساتْ
مْراكَبْ مَتْقوبَة
صَيَّادَة مَجْنونَة
حاضْياها نوبَة
دوخَة دوخَة
شَمَّة شَمَّة
بَلْيَة بَلْيَة
يا مولْ الـنَُوبَة
الْمَطْمورَة خْواتْ
النّْجومْ طفاتْ
الشّْمَعْ دابَتْ
لَلْوانْ سابَتْ
وْالْعَشّْ فَقَسْ
آش فَقَّسْ ؟
الله وَعْلمْ !
......
يا طيري !
عْزَفْتْ لَلْحانْ
ودَِّيتْ الْميزانْ
وْ غََنِّتْها غيرَة
وْ قلْتْ عْلاشْ الْحيرَة
راهْ تْخَلَّطْ لي لَعْبارْ
واشْ لَقْفَزْ ما عَنْدو بابْ ؟
عْلاشْ الزْوان ما تْصاب ؟
فَرْقوهْ شي قومانْ
خَلاَّوَكْ تْقَساي عَرْيانْ
وْ تْسَبَْ لَوْقاتْ
......
يا طيري !
نْرَغْبَكْ عَفاكْ !
نَتْرَجَّاكْ !
رْجَعْ بالزَّرْبَة
اليَدْ فْاليَدْ مْحَبَّة
أنا عايَقْ بيكْ
قَلْبَكْ عامَر رغْبَة
تْعالـى !
نْزَرْعو شَجْرَة...عـالْية فْلَعْنانْ
صَفْصـافَة.....نَـوَّارْها ريـحانْ
نَـبْنيوْ فيها عَـشّْ....عَشّْ الأَمانْ.
طَارْ مَنْ قَفْزو طَارْ
خَلاَّنِي هَايَمْ مَحْتارْ
نَحْلَمْ ...
نْعاوَدْ وَحْدي لَخْبارْ
كُلْ ريشَة مَنُّو، نَسْمَة
كُلْ كًلْمَة مَنُّو ، نَغْمَة
وْحْروفو لْوَانْها سَمْرَة
قَـدّْ وْقـامَة نَـبْلَة
سَرّْ مَنْ لَسْرارْ
طَارْ مَنْ قَفْزو طَارْ
تَـاهْ.. ! فَسْمَا لَغْروبْ
عْلَى نْجُومْ النّْهارْ يَبْكِي
عْلَى حْلامْ اللِّيلْ يَشْكِي
خايفْ مَنْ لَهْروبْ
خَايَفْ !
الدَّمْعَة تْوَلِّي حَرْقَة
وْالْكَلْمَة تْوَلِّي حَمْقَة
وْ يْتْلَفْ الْعَرْبونْ
خَايَفْ !
لَغْرامْ يْوَلِّي ضَرْبَة
وْيْطيحْ فْيْدينْ الْغُرْبَة
وْ الْبالْ ديما مَشْطونْ
خَايَفْ !
مَنْ خْيوطْ لَحْشومَة
يْكَبْلوهْ فَـقْفاطَنْ اللُّومَة
تَجْمعْ وْتَطْوي لَسوارْ
يَـا ذاكْ الْمَغْبونْ
يا طيري !
السّْوارْ عْلاَتْ
شِي هْنا شِي الْهيهْ
وْ الْفَجْوَة كَبْرات
الزّْواقْ ماحْشَمْ
جَـا وْتْعَرَّمْ
وْ نيفو سالْ عََلاماتْ
عََلاماتْ ...!
عََلاماتْ ..!
الْمعْدَنْ تْصَدَّى
لاَ ذْهَبْ وَلاَ فّضَّة
لاَ سَرّْ وَ لا مَلْحَة
آشْ يْقولو زَعْمَة
غيرْ الرَّاشْياتْ
غيرْ الْخاوْياتْ
.....
رْجَعْ طيري مْسَلَّتْ
بْجْناحو يَلْهَتْ
وْ قْبَلْ ما يْفوتْ الْوَقْتْ
حْكَى لي قَصَّة الـجَّياتْ
راهي جايَّاتْ
مْوَّاجْ جايَّاتْ
جايَّاتْ بْلَغْواتْ
مَنْ مورْ لَبْحَرْ جايَّاتْ
تَخْلَعْ
تَبْلَعْ
تَطْمَعْ
وْ فْكُلْ شَطّْ رْساتْ
مْراكَبْ مَتْقوبَة
صَيَّادَة مَجْنونَة
حاضْياها نوبَة
دوخَة دوخَة
شَمَّة شَمَّة
بَلْيَة بَلْيَة
يا مولْ الـنَُوبَة
الْمَطْمورَة خْواتْ
النّْجومْ طفاتْ
الشّْمَعْ دابَتْ
لَلْوانْ سابَتْ
وْالْعَشّْ فَقَسْ
آش فَقَّسْ ؟
الله وَعْلمْ !
......
يا طيري !
عْزَفْتْ لَلْحانْ
ودَِّيتْ الْميزانْ
وْ غََنِّتْها غيرَة
وْ قلْتْ عْلاشْ الْحيرَة
راهْ تْخَلَّطْ لي لَعْبارْ
واشْ لَقْفَزْ ما عَنْدو بابْ ؟
عْلاشْ الزْوان ما تْصاب ؟
فَرْقوهْ شي قومانْ
خَلاَّوَكْ تْقَساي عَرْيانْ
وْ تْسَبَْ لَوْقاتْ
......
يا طيري !
نْرَغْبَكْ عَفاكْ !
نَتْرَجَّاكْ !
رْجَعْ بالزَّرْبَة
اليَدْ فْاليَدْ مْحَبَّة
أنا عايَقْ بيكْ
قَلْبَكْ عامَر رغْبَة
تْعالـى !
نْزَرْعو شَجْرَة...عـالْية فْلَعْنانْ
صَفْصـافَة.....نَـوَّارْها ريـحانْ
نَـبْنيوْ فيها عَـشّْ....عَشّْ الأَمانْ.
